me likkle island st. lucia

 long time me no taste sweet sugar cane
an drink some coconut water
long time me no climb mango tree
or pick tamarin, golden apple, an guava
is a long long time me no visit
me likkle island st. lucia

long time me no walk barefoot
up menad hill flesh all a tickle with sweat
long time me no ride transport
go a gros islet fi wine up me waist
long time me no buy yam an plantain
from di marketplace is a long long time
me no visit me likkle island st. lucia

long time me no hear fowl
cokiocrow inna di backyard
long time me no carry clothes
an water pon me head
long time me no sleep all a six a we
inna di bunkbed is a long long time
me no visit me likkle island st. lucia

long time me no see me brother, faustin
ten years gone an me still no see åim
is a long long time me no hug an kiss
me brother, faustin

a long long timeä
 

-- by Sassy Ross